Devıd Bekhem baspasóz konferentsııasynda tilshiniń telefonyna jaýap berdi
ASTANA. QazAqparat - Devıd Bekhemniń qatysýymen ótken baspasóz konferentsııasynda qyzyqty jaǵdaı oryn aldy, dep habarlaıdy Eurosport.ru.
Manchesterdegi «Old Trafford» stadıonynda ótken Unicef qaıyrymdylyq matchynan keıin Bekhem tilshilerdiń suraqtaryna jaýap berý úshin baspasóz konferentsııasyna keldi. Tilshilerdiń biri uıaly telefonyndaǵy dıktofondy qosyp, sportshynyń sózin jazyp alǵanda, kenetten oǵan bireý qońyraý shaldy. Devıd qasyndaǵylardyń ruqsatymen telefon tutqasyn alǵanda, oǵan eshkim jaýap bermedi, dep jazady sheteldik BAQ.
Aıta keteıik, Anglııa men Irlandııanyń birikken komandasy men álem quramasynyń arasyndaǵy qaıyrymdylyq matchta brıtandyqtar 3:1 esebimen utty. Devıd Bekhem onda 75-shi mınýtqa deıin oınap, odan keıin alańdaǵy ornyn uly Brýklınge berdi.
