Devalvatsııa týraly qaýesetter kóbine demalys kezeńinde taralady - UB
Aıta keteıik, otyrys barysynda «Valıýtalyq retteý jáne valıýtalyq baqylaý týraly» zań jobasy talqylandy.
«Teńge baǵamyna baılanysty resmı málimdeme jasaǵan bolatynbyz. Osy qaýesetterdiń barlyǵynda nemese buǵan qatysty is-qımyldarda eshqandaı negiz joq. Sebebi qazirgi kezde rýbl baǵamyna qarasaq, osy valıýta qubylmaly bolsa da, ol boıynsha eleýli ózgerister oryn almady. Munaı baǵasy el bıýdjetinde belgilengen parametrlerden eleýli túrde asyp tústi. Atap aıtqanda, baǵamǵa qatysty qaýesetter jıi paıda bolady. Eger de ótken jyldarǵa sholý jasasaq, bizde jazǵy demalystar kezeńinde únemi valıýta baǵamynyń ózgerýine qatysty túrli sybystar tarap jatady. Qazirgi kezde, aǵymdaǵy jyly atalǵan qaýesetterdi rastaıtyn eshqandaı da irgeli negizder joq», - dedi O. Smolıakov depýtattar saýalyna jaýap bere otyryp.
Budan buryn habarlanǵandaı, ótken aptada Ulttyq bank tóraǵasy Danııar Aqyshev teńgeniń erkin aıyrbastaý baǵamy rejimi saqtalatynyn málim etti.
Zań jobasynyń negizgi maqsaty - el ekonomıkasynyń qazirgi damý kezeńine, elimizdiń álemdik júıege kirýine jáne DSU-ǵa enýge baılanysty valıýtalyq zańnamany josparly túrde ózgertý bolyp tabylady.Talqylaýdan keıin komıtet músheleri zań jobasyn palatanyń jalpy otyrysyna engizý sheshimin qabyldady.