Devalvatsııa tóńiregindegi áńgime bank kapıtaly men eksportshylardyń arandatýshylyǵy - D.Áshimbaev
ASTANA. QazAqparat - Alda bolýy yqtımal teńge devalvatsııasy tóńiregindegi áńgime banktik kapıtal men eksportshylardyń arandatýshylyǵyna negizdeledi. Búgin Astanada «XXI ǵasyrdaǵy Qazaqstan: tabystylyq strategııasy» taqyrybynda ótken basqosýda saıasattanýshy Danııar Áshimbaev osyndaı pikir bildirdi.
Saıasattanýshynyń pikirinshe, ońtaıly dep sanalatyn ýaqytta saılaý ótkizý búgingi is basyndaǵy bıliktiń quqyǵy bolyp tabylady.
«Konıýnktýra turǵysynan alǵanda da bul túsinikti, ekonomıkalyq daǵdarys týraly da alǵa tartýǵa bolady. Degenmen, menińshe, biz osy saılaý ótkennen keıin daǵdarys bolatyndyǵy týraly úreıdi orynsyz aıtyp jatqan tárizdimiz. Sondyqtan da endi bireýler saılaýdan keıin devalvatsııany kúte bastady, al ekonomıkalyq jaǵdaıdy saraptaý kórsetkenindeı, bul úshin eshqandaı alǵyshart joq. ıAǵnı, altyn-valıýtalyq rezerv turǵysynan da, saýda balansy turǵysynan da elimizde mundaı kúrt burylys kútilmeıdi», - dedi D.Áshimbaev.
Bul rette saıasattanýshy teńge devalvatsııasy tóńireginde kútiletin qańqý sózder sarapshylyq baǵalaýlardan góri, banktik kapıtaldar men eksportshylar tarapynyń arandatýshylyǵyna negizdeletinin alǵa tartady.
«Sonymen birge elimizde belgili bir deńgeıde áleýmettik-ekonomıkalyq ahýaldyń nasharlaýyn joqqa shyǵarmaspyz. Alaıda, Prezıdent Nursultan Nazarbaev 2014 jyldyń sońynda osyndaı daǵdarysqa qarsy bıylǵy jyly atqarylatyn sharalardy usynyp qoıǵan bolatyn», - dedi D.Áshimbaev.
