Deutsche Bank qatelesip klıenttiń shotyna 6 mlrd. dollar jiberdi
ASTANA. QazAqparat - 2015 jyldyń maýsymynda Deutsche Bank AG valıýtalyq bólimshesi AQSh-taǵy hedj-qorynyń klıenttik shotyna qatelesip 6 mıllıard dollar jiberip qoıdy. Bul týraly jaǵdaımen tanys derekkózderge siltememen Financial Times habarlap otyr. Basylymnyń naqtylaýynsha, qate kelesi kúni túzetilip, bank aqshany qaıtaryp aldy.
Qarajatty bastyǵy demalysta bolǵan kezde qatelesip jiberip qoıǵan valıýta satý bóliminiń kishi qyzmetkeri, dep habarlady FT-ǵa derekkózder. Bank bolǵan jaıt týraly Ulybrıtanııanyń qarjylyq qadaǵalaý basqarmasyna, Eýropalyq ortalyq bankke jáne AQSh-tyń Federaldyq qor júıesine habarlady, dep naqtylady basylym.
Bank ókilderi túsinikteme berýden bas tartty, dep atap ótedi FT.
