Deutsche Bank basshysy Qazaqstanǵa jasyl oblıgatsııalar men qarjy quraldaryn shyǵarýdy usyndy

NUR-SULTAN. QazAqparat – Deutsche Bank AG Soltústik jáne Shyǵys Eýropa boıynsha aımaqtyq keńsesiniń bas atqarýshy dırektory Iorg Bongartts Qazaqstanǵa jasyl oblıgatsııalar men qarjy quraldaryn shyǵarýdy usyndy, dep habarlaıdy QazAqparat tilshisi.

«Sońǵy jyldar ishinde Qazaqstan ESG (ekologııaly-áleýmettik-korporatvıtik damý) qaǵıdattaryna sáıkes keletin halyqaralyq retteýdi engizý úshin óte jaqsy negiz qura aldy. Endi memleket pen qazaqstandyq korporatsııalar muny halyqaralyq kapıtal tartý kezinde básekelestik basymdyq retinde paıdalana alady. Búgingi tańda biz Qazaqstan Úkimeti men kompanııalaryna ESG-men baılanysty jasyl oblıgatsııalar men qarjy quraldaryn shyǵarýdy jáne osy kapıtaldy shıkizattyq emes sektordy yntalandyrý men damytý úshin paıdalanýdy usynamyz», - dedi Iorg Bongartts.

Ol, sondaı-aq, Qazaqstanǵa Astana halyqaralyq qarjy ortalyǵy arqyly jergilikti jobalarǵa ESG talaptaryna jaýap beretin ınvestıtsııalar tartýǵa bolatynyn atap ótti.

«Doıche Bank» ESG portfelin 2023 jylǵa deıin 200 mıllıard eýroǵa ósirýge mindetteme aldy. Biz ESG standarttaryna sáıkes keletin jáne shıkizattyq emes ekonomıkany qoldaýǵa arnalǵan qazaqstandyq jobalardyń osy mindettemelerge kirýin asyǵa kútemiz», - dedi Deutsche Bank basshysy.

Foto: finbuzz.ru