Deutsche Bank AQSh ádilet mınıstrliginiń talaby boıynsha $7,2 mlrd aıyppul tóleıdi
ASTANA. QazAqparat - Deutsche Bank pen AQSh ádilet mınıstrligi qundy qaǵazdar naryǵyndaǵy qýlyq áreket boıynsha ádilet mınıstrliginiń talabyna sáıkes $3,1 mlrd aıyppul tóleý týraly beıbit kelisimge keldi.
Bul týraly Reuters agenttigi habarlady.
Odan bólek, ýaǵdalastyq $4,1 mlrd. kóleminde banktiń amerıkalyq klıentteriniń shyǵyndaryn óteýdi de qarastyrady.
AQSh retteýshileriniń pikirinshe, Deutsche Bank ózge de iri bankter sekildi jahandyq qarjylyq daǵdarysta qundy qaǵazdar boıynsha qaýip-qaterdi baǵalaýdy tómendetken jáne sonyń qorytyndysyna sáıkes AQSh úkimetimen tyǵyz baılanystaǵy Fannie Mae jáne Freddie Mac amerıkalyq ıpotekalyq kompanııalaryna satqan.
