Detektıv janryndaǵy jazýshylardyń ádebı keńesi quryldy

ALMATY. KAZINFORM - Qazaqstan jazýshylar odaǵynyń janynan «Detektıv janry keńesi» quryldy. Búgin onyń alǵashqy májilisi ótti.

Jazýshylar odaǵynan habarlaǵandaı, jıynda detektıv janry keńesiniń jumys jospary, ary qaraı damytý joldary, kitap shyǵarý jumystary talqylandy. Sondaı-aq, keńestiń tóraǵasy Temirbolat Ahmetov keńes múshelerimen jáne keńestiń aldaǵy josparlarymen tanystyrdy.

«Detektıv janry — elimizde kende qalǵan janrdyń biri. Bul keńes detektıv janryndaǵy ádebıetti, osy janrda jazatyn qalamgerlerdi qoldaý úshin quryldy. Kemel Toqaevtyń 100 jyldyq mereıtoıynyń aıasynda ótken «Kemel qalamger» baıqaýynyń detektıv janry boıynsha qalam tartatyn jazýshylarǵa yqpaly mol boldy. Osyndaı qalamgerlerge shabyt syılaıtyn is-sharalardy kóbeıtýimiz kerek» - dedi Qazaqstan jazýshylar odaǵynyń basqarma tóraǵasy Mereke Qulkenov.

Jıyn sońynda keńes músheleri aldaǵy ýaqytta detektıv shyǵarmalarynyń bir tomdyq antologııasyn shyǵarýǵa kelisti.