Destrýktıvti dinı qyzmetten zardap shekkenderge kómek kórsetý ortalyǵy ashylady
ASTANA. 31 shilde. QazAqparat - 1 tamyz kúni Astana qalasynda «Úles 2020» qoǵamdyq qory Qazaqstan Respýblıkasy Din isteri agenttigimen birlese otyryp, Destrýktıvti dinı qyzmetten zardap shekkenderge kómek kórsetý jónindegi úılestirý-konsýltatıvtik ortalyǵynyń tusaýkeserin ótkizedi.
«Atalmysh ortalyqta «Qaýyrt jeli» qyzmeti qarastyrylǵan, ol Koll-tsentr prıntsıpi boıynsha jumys isteıtin bolady. Destrýktıvti dinı qyzmetten zardap shekkenderge kómek kórsetý boıynsha úılestirý-konsýltatıvtik ortalyǵy «Úles 2020» qoǵamdyq qorymen Qazaqstan Respýblıkasy Din isteri agenttiginiń tapsyrysymen áleýmettik-mańyzdy jobany júzege asyrý aıasynda qurylǵan» delingen baspasóz baıanynda.
Sharaǵa Din isteri agenttiginiń, «Úles 2020» qoǵamdyq qory, sondaı-aq Ortalyqpen yntymaqtastyq týraly kelisim jasaǵan Destrýktıvti dinı qyzmetten zardap shekkenderge kómek kórsetý ortalyqtary qaýymdastyǵy ókilderi qatysady.
