Destrýktıvti kontentpen kúres: onlaın platformalarǵa jaýapkershilik júkteledi

ASTANA. KAZINFORM — Internettegi destrýktıvti kontentpen kúresýde qandaı is-sharalar júzege asyrylady? Bul suraqqa Mádenıet jáne aqparat mınıstrligi jaýap berdi. 

— Biz quqyqqa qaıshy kontentke tosqaýyl qoıý baǵytynda TikTok, Telegram, Meta jáne YouTube kompanııalarymen tyǵyz yntymaqtastyqta jumys istep jatyrmyz. Qazaqstan aýmaǵynda osy áleýmettik jelilerdiń zańdy ókilderi taǵaıyndaldy. Atap aıtqanda, ınternettegi quqyqtyq teńgerimdi nyǵaıtý maqsatynda birqatar túzetý engizýdi usynyp otyrmyz, - delingen mınıstrliktiń Kazinform agenttigine bergen jaýabynda.

Bul turǵyda destrýktıvti kontentti joıý týraly Mádenıet jáne aqparat mınıstrliginiń nusqamasyn oryndamaǵany úshin onlaın platforma ıelerine nemese olardyń zańdy ókilderine jaýapkershilik engizý pysyqtalyp jatyr. Nusqamany oryndamaǵandarǵa ákimshilik aıyppul salý usynyldy, ıaǵnı birinshi ret 200 AEK-ke deıin, al qaıtalanǵan jaǵdaıda 400 AEK -ke deıin aıyppul jazylady.

— Qajet bolǵan jaǵdaıda, destrýktıvti kontentti taratatyn onlaın platformalarǵa trafıkti azaıtý sharalary qabyldanady. Ekinshiden, Qazaqstanda onlaın platformalardyń tolyqqandy ókildikterin tirkeý boıynsha mindettemelerdi belgileý usynyldy. Sonymen qatar onlaın platformalarda ádepsiz sózderdi aıtqan nemese jazǵan ınternet paıdalanýshylarǵa da jaýapkershilik júktemek, - dep atalyp ótken vedomstvo aqparatynda. 

Eske salsaq, Ulttyq quryltaıdyń úshinshi otyrysynda sóılegen sózinde Prezıdent Qasym-Jomart Toqaev dástúrimizge jat dinı nanym-senim men mádenıet týraly aıtty.