Despına Kasapıdı: Elbasy - QHA negizin qalaýshy jáne shabyttandyrýshysy

QARAǴANDY. QazAqparat - Temirtaý qalasyndaǵy «Pontos grek etno-mádenı birlestigi» QB tóraıymy Despına Kasapıdı QHA sessııasynyń barysynda QR Tuńǵysh Prezıdenti qoǵamdyq-saıası jaǵdaıdyń tereń taldaýyna negizdelgen jańa ıdeıalarmen bólisetinine senimin bildirdi, dep habarlaıdy QazAqparat tilshisi.

Despına Kasapıdıdiń aıtýynsha, Elbasy Qazaqstan halqy Assambleıasynyń negizin qalaýshy jáne shabyttandyrýshy bolyp tabylady.

«Onyń basty oıy ár ulttyń daýysy nazardan tys qalmaýy tıis. Elimizde Tuńǵysh Prezıdentimizdiń róli aıqyndaýshy bolyp qala beredi. Tek Qazaqstanda ǵana emes, álemde de Assambleıanyń joǵary bedeli onyń esimimen baılanysty. N. Á. Nazarbaevtyń arqasynda QHA konstıtýtsııalyq mártebege ıe boldy jáne qazir azamattyq qoǵamnyń basty quraly retinde damyp keledi», - deıdi «Pontos grek etno-mádenı birlestigi» QB tóraıymy.

Sondaı-aq, ol etno-mádenı birlestikterdiń ókilderi Qazaqstan halqy Assambleıasynyń kezekti XXVII sessııasynan ne kútetinin aıtty. Eń aldymen, olar sessııa barysynda barlyq etnostardyń birligin saqtaý baǵyty týraly, ilgerileý maqsattarynyń basymdyǵy jáne eldiń áleýmettik-ekonomıkalyq jaǵdaıyn jan-jaqty nyǵaıtý týraly, qoǵamymyzdyń álemniń anaǵurlym damyǵan memleketteriniń qoǵamdastyǵyna kirý mindeti tóńireginde toptasýyna nyq baǵyt berý týraly, Elbasynyń 5 áleýmettik bastamasyna sáıkes ózgerister qarqynyn arttyrý týraly aıqyn málimdemeler jasalady dep kútýde.

«Meniń oıymsha, QHA Tóraǵasy, Tuńǵysh Prezıdent - Elbasy qoǵamdyq-saıası jaǵdaıdy tereń taldaýǵa negizdelgen jańa ıdeıalaryn ortaǵa salady. Assambleıa aldynda halyqtyń túrli toptarymen, eń aldymen áleýmettik jaǵynan osal toptarmen ataýly jumysty qarqyndatý boıynsha mindetter júkteletinin kútemiz, Elbasynyń «Uly dalanyń jeti qyry» atty maqalasynda aıtylǵan qaǵıdalar negizinde jastardy jańa synaqtarǵa daıyndaýǵa jáne urpaqtar sabaqtastyǵyn nyǵaıtýǵa kóńil bólinýi tıis», - dedi Despına Kasapıdı.