Desanttyq-shabýyldaý batalonynyń áskerı qyzmetshileri 290 shaqyrymdy júgirip ótti (FOTO)
ASTANA. QazAqparat - 18404 áskerı bólimi ekinshi desanttyq-shabýyldaý batalonynyń jeke quramy iri rotalyq-taktıkalyq oqý-jattyǵýlarǵa tartyldy. Tańnyń atysymen 200-den astam áskerı qyzmetshi dabyl boıynsha kóterildi. Odan keıin jaýyngerler batalon komandırimen birge shartty jaýyngerlik is-qımyldar aýdanyna, ıaǵnı, 74261 áskerı bóliminiń «Kóktal» oqý-jattyǵý ortalyǵyna jol tartty.
Bul týraly QR QM baspasóz qyzmeti habarlady.
Shtattyq qarý-jaraq, BTR-80A tıpindegi on birlik bronetransporterlardy tarta otyryp, tolyq jaýyngerlik jaraqtanǵan áskerı qyzmetshiler ara qashyqtyǵy 290 shaqyrymdy júgirip ótti.
Qazir rotalyq-taktıkalyq oqý-jattyǵýlar sheńberinde jaýyngerler polıgonda bólimshelerdi, vzvodtardy, rotalar men barlyq batalondy birtindep úılestire otyryp, jaýyngerlik is-qımyldardy júrgizý algorıtmin pysyqtaýda.
Batalon komandıri maıor Qaharman Ýshamovtyń aıtýynsha, áskerı qyzmetshiler jaqsy daıarlyq deńgeıin kórsetýde. Onyń ishinde 18404 á/b ekinshi desanttyq-shabýyldaý batalonynyń jeke quramy arasynda bronetransporterdy kózdeýshilerdi atap ótken jón. «Osy jyl ishinde olar ózderiniń basqarý daǵdysyn jaqsartty, oq atýda dáldikke qol jetkizdi. Oqý-jattyǵýlarda olardyń birshamasy berilgen nysanalardy birinshi oq atýdan joıdy», - deıdi batalon komandıri.
