Desanttyq-shabýyldaý áskerleriniń sarbazy balany qutqaryp qaldy

 ASTANA. QazAqparat - Desanttyq-shabýyldaý áskerleriniń efreıtory Danııar Eshaıdarov joǵalyp ketken eki jasar balany avtokóliktiń dóńgeleginiń astynan qutqaryp qaldy, dep habarlandy QR QM saıtynda.  

Sol kúni Danııar Eshaıdarov 12881 áskerı bóliminiń baqylaý-ótkizý pýnktinde qyzmet atqarǵan.  Ol joldyń qaq ortasynda qatty jyldamdyqpen júıtkip kele jatqan mashınalardyń janynan kele jatqan balany kórip qalady.  Áskerı qyzmetshi esh oılanbastan kómekke júgiredi. Ol balany shap berip ustap, qaýipsiz jerge shyǵarady.  «Meni úreı bılep aldy. Biraq, men ózim úshin emes, bala úshin qatty qoryqtym. Sol sátte balaqaı qalshıyp turyp qalmaǵanda, ıaǵnı, artqa nemese alǵa bir qadam jasasa,  ony mashına qaǵyp, men oǵan eshqandaı kómek bere almaýshy edim», - deıdi  efreıtor Eshaıdarov. Bul jaıly bólim komandıri podpolkovnık Rýslan Ótepov jas ananyń áskerı bólimge onyń erligi týraly aıtýǵa jáne balasyn qutqaryp qalǵan áskerı qyzmetshige alǵys bildirýge kelgennen keıin ǵana bildi.  Desanttyq-shabýyldaý áskerleriniń qolbasshysy general-maıor Almaz Jumakeev Danııar Eshaıdarovty gramotamen marapattap, onyń erligi men tabandylyǵyn atap ótti. Sondaı-aq búkil jeke quramǵa úlgi retinde kórsetti.