Desanttyq-shabýyldaý áskerleriniń qatary 160 ofıtser men serjantqa tolyqty

ALMATY. QazAqparat - Qazaqstannyń desanttyq– shabýyldaý áskerlerinde bıyl kelgen jas ofıtserler men serjanttardyń oqý-ádistemelik jıyny bastaldy, dep habarlaıdy QazAqparat tilshisi.

Olar Qazaqstandaǵy jáne shet elderdegi ártúrli áskerı oqý oryndarynyń túlekteri.

Oqý-jattyǵý jıynynyń negizgi maqsaty - leıtenanttar men serjanttardyń kásibı deńgeıin kóterý, qosymsha bilim men praktıkalyq daǵdylaryn qalyptastyrý.

Desanttyq-shabýyldaý áskerleriniń qolbasshysy general-maıor Qanysh Ábýbákirov áskerı qyzmetshilermen kezdesip, desanttyq – shabýyldaý áskeriniń mindetteri týraly aıtyp berdi. Jeke qurammen jumys kezindegi negizgi baǵytty usyndy.

Alǵashqy kúnnen bastap jas ofıtserler men serjanttarǵa jaýyngerlik daıyndyq sabaqtary ótip jatyr.

« Men bala kezimnen men desantshy bolýdy armandadym. Endi mine armanym oryndaldy. Desantshy bolý ońaı emes, temirdeı tártipke, buıyryqqa úırený qajet. Men barlyq qıyndyqtardy jeńýge daıynmyn», - dedi Qurlyq áskerleriniń Áskerı ınstıtýtynyń túlegi, leıtenant Raıymbek Amangeldi.