Desanttar úsh aıdyń ishinde parashıýtpen 1 500-den asa sekirdi - QR QM

ASTANA. QazAqparat - Jańa 2017 oqý jylynyń úsh aıy ishinde Qazaqstannyń Qarýly Kúshterinde Desanttyq-shabýyldaý áskerleriniń áskerı qyzmetshileri parashıýtpen 1 500-den asa sekirýdi júzege asyrdy dep habarlaıdy QR QM baspasóz qyzmeti.

Sekirýler S-295 áskerı-kóliktik ushaqtarynan D-6 parashıýttik júıesimen, sondaı-aq, Mı-17 tikushaqtarynan oryndaldy. Sekirýlerdiń aldynda muqııat jerústi daıyndyq boldy. Onyń barysynda desantshylar parashıýtti jınaý máselelerin pysyqtap, oqý polıgonynyń bazasynda ushaqtar men tikushaqtardyń nobaılarynan sekirýlerdi oryndady. Parashıýttik daıyndyqta árbir áskerı qyzmetshi parashıýttik júıeniń jumys jasaý qaǵıdatyn jetik túsingeni mańyzdy bolyp keledi. Ózge aspekti psıhologııalyq ázirlik bolyp tabylady. Parashıýttik sekirýler aldynda jeke quram ruqsat qaǵazy bolyp tabylatyn psıhologııalyq testileýden ótedi. Parashıýtpen sekirý Qazaqstan Qarýly Kúshteri Desanttyq-shabýyldaý áskerleri áskerı qyzmetshileriniń jaýyngerlik daıarlyǵynyń negizi bolyp tabylady. Ol jaýyngerlik daıarlyq josparyna sáıkes ótkiziledi.