Desantshylar Mı-17 tikushaǵynan parashıýtsiz túsýdi oryndady - QR QM (FOTO)
Oqý jattyǵýyn 120 desantshy oryndady.
Desanttyq-shabýyldaý brıgadasynda aıtqandaı mundaı sekirýler urys alańynda desanttaýdyń, júkti jetkizýdiń, qol jetpes jerden zardap shekkenderdi kóshirýdiń eń jyldam tásilderiniń biri bolyp tabylady. Áýe kemesi, bul jaǵdaıda Mı-17 tikushaǵy 10-15 metr bıiktikke túsiriledi, shyǵarylǵan arqan arqyly áskerı qyzmetshiler birinen keıin biri berilgen aýmaqqa shoǵyrlanady.
Mundaı túsýdi oryndaý úshin jaýyngerlerdiń dene daıarlyǵy jaqsy qalypta bolýy tıis. Dármendi qol men bilekti ıyq, óziniń denesine tolyqqandy ıe bolý, moraldyq jáne psıhologııalyq ázirliksiz arqan boıynsha shoǵyrlaný múmkin emes.
QR QK Aeroutqyr áskerleriniń 36-shy desanttyq-shabýyldaý brıgadasynda parashıýtsiz desanttaý 2013 jyldan bastap is júzinde sátti qoldanylyp júr. Desantshylar arqanmen nemese parashıýtpen bolsyn aptasyna bir ret sekiredi. Árbir jattyǵýdy jasamas buryn psıhologııalyq test jáne sekirý elementteriniń jerústi pysyqtaýdy tapsyrady.
Arqan arqyly túsý qarapaıym jáne kúrdeli bolyp bólinedi.
Qarapaıym túri jerdegi jeldiń jyldamdyǵy 10 m/s deıin kezde daıyndalǵan alańda kúndizgi ýaqytta, al kúrdelisi ormandy jerge, sýǵa, muzǵa, teńiz kemesi nemese qaıyǵyna, ǵımarat shatyryna, sondaı-aq túnde jeldiń jyldamdyǵy 10 m/s joǵary bolǵan shaqta qutqarý kerek-jaraǵymen oryndalady.