EFES-2024 kópultty oqý-jattyǵýy: desantshylar qarsylastyń «kózin joıdy»
ASTANA. KAZINFORM — 49 elden 11 myńǵa jýyq áskerı qyzmetshi qatysyp jatqan EFES-2024 halyqaralyq kópultty oqý-jattyǵýynyń belsendi kezeńi bastaý aldy. Bul týraly QR Qorǵanys mınıstrliginiń baspasóz qyzmeti málim etti.
Túrkııanyń Ulttyq qorǵanys mınıstri ıAshar Gıýlermen birge qatysýshylardyń áreketterin áskerı attashe general-leıtenant Muhamedjan Talasov jáne QR Qarýly kúshteri Qurlyq áskerleriniń Bas shtab bastyǵy general-maıor Mereke Kóshekbaev baqylady.
Oqý-jattyǵý barysynda qazaqstandyq desantshylar túrik áskerı qyzmetshilerimen birlesip shartty qarsylastyń kózin joıý mindetin oryndady.
«35-shi desanttyq-shabýyldaý brıgadasynda qyzmet atqaratyn gvardııa kapıtany Murat Ibragımov aldyńǵy qatarly avıatasymaldaýshylar DLIRIL-30 júıesin jáne túnde kóretin ASELSAN A-600 quralyn qoldana otyryp, túngi jaǵdaıda shartty qarsylasqa jasyryn jaqyndaý jáne armııa avıatsııasyn baǵyttaý jónindegi taktıkalyq normatıvterdi oryndady», — dep habarlady vedomstvo.
Jergilikti jerdi belgileý tobyna kiretin áskerı qyzmetshiler ishinde joǵary kásibı deńgeıin kórsetkender — aǵa leıtenant Danııar Qasymhanov (18404 áskerı bólimi), gvardııa aǵa leıtenanty Sherzod Eskermesov (32363 áskerı bólimi) jáne leıtenant Nurlan Jantileev (61993 áskerı bólimi). Jeke quram shartty qarsylastyń aýmaǵynda platsdarmdy basyp alý mindetin atqarǵan shabýyl jasaqtarymen armııa avıatsııasy qonatyn alańdarǵa barlaý jasady.
«Túrkııalyq áriptestermen tapsyrmany úılesimdi oryndaǵan qazaqstandyq desantshylardyń sheber is-qımyldarynyń arqasynda barlyq nysan alyndy. Bul birikken ásker tobynyń negizgi kúshterine kelesi shabýylǵa kóshýge múmkindik berdi», — delingen habarlamada.
EFES-2024 halyqaralyq kópultty oqý-jattyǵýy — óńirdegi eń aýqymdy oqý-jattyǵý ekenin aıta ketken jón. Ol tájirıbe almasý jáne oǵan qatysýshy elderdiń birlesken is-áreketin uıymdastyrý, sonymen qatar áskerı qyzmetshilerdiń kásibı daıarlyq deńgeıin arttyrý maqsatynda ótedi. Jattyǵýdyń belsendi kezeńi 30 mamyrda aıaqtalady.
