Dertine shıpa tappaǵandar Qońyr áýlıe úńgirin izdep keledi

SEMEI. QazAqparat - Semeı óńirindegi Abaı aýdanynda Qońyr áýlıe úńgiri bar. Bul - jergilikti halyq úshin kıeli oryn. Munda elimizdiń túkpir-túkpirinen týrıster aǵylyp kelip jatady, dep habarlaıdy QazAqparat ShQO aqparat ortalyǵyna silteme jasap.

Bul jerde kezinde Abaı bolǵan. Muhtar Áýezov te talaı márte osy kıeli orynǵa kelgen.

«Qońyr áýlıe úńgiri týraly ańyzdar az emes. Bul jerdi eń alǵash ret Qońyr paıǵambar tapqan eken. Ańyz boıynsha Nuhtyń kemesine úsh paıǵambar jete almaı, tasqyn kezinde bóreneni panalapty. Sý tasqynynyń beti qaıtqan kezde Qońyrdyń bórenesi Aqtas jotasyna kelip tirelgen eken. Onda osy úńgir bolǵan. Úńgirdiń ishinde emdik qasıeti bar sý bolǵan. Sýdyń móldirligi krıstaldaı jarqyrap turǵan. Biraq sý muzdaı bolǵan (sýdyń temperatýrasy - nebári 4 gradýs qana jyly)» delingen ShQO aqparat ortalyǵy taratqan aqparatta.

Jergilikti aqsaqaldardyń aıtýynsha, sýdyń qasıetin burynǵy ata-babalarymyz jaqsy bilgen. Jońǵarlarmen soǵysta jaraqat alǵan sarbazdar osynda kelip, dertine shıpa izdegen.

Osy kıeli orynǵa kelýshiler qasıetti sýǵa túsip, em bolatynyna senedi.