Dermatologııa ortalyǵynda medıtsına qyzmetkerleriniń kásibı merekesine arnalǵan is-shara ótti

Shara barysynda medıtsına qyzmetkerlerin kásibı merekelerimen quttyqtaǵan Ortalyq dırektory, medıtsına ǵylymynyń doktory Juldyz Danbaeva mekemeniń 1 jyldyq jetistikterine toqtaldy.

Onyń atap ótýinshe, sońǵy jyldary ortalyq dárigerleriniń biliktiligi 23,3 paıyzǵa artqan. Dárigerlerdiń sanattylyǵy 72, medbıkelerdiki 61 paıyzǵa kóterilgen. Sondaı-aq ujymda ǵylymı dárejesi bar 5 qyzmetker jumys isteıdi. «Bul qala mekemeleriniń ishindegi eń jaqsy kórsetkish», deıdi ol.

1 jyl kóleminde medıtsınalyq mekemede birqatar jańa tehnologııalar engizilgen. Máselen, sońǵy ýaqyttarda engizilgen PÝVA terapııasy Ortalyq jáne Soltústik Qazaqstan oblystaryndaǵy eń birinshi teri aýrýlaryn emdeıtin tehnologııa bolyp sanalady. Sonymen qatar membranalyq plazmafarez dep atalatyn qan tazalaý ádisi de dermatolgııa salasynda alǵash ret atalǵan ortalyqta qoldanýda.

«Sonymen qatar ortalyqta 10 oryndyq kúndizgi emdeý orny ashylyp, tájirıbe almasý maqsatynda Ýral ǵylymı-zertteý ınstıtýtymen kelisimshartqa qol qoıyldy», dedi J.Danbaeva.

Shara barysynda birqatar qyzmetkerler ortalyqtyń qurmet gramotasymen marapattalyp, mekeme ishinde ótkizilgen baıqaýdyń qorytyndysy boıynsha «Úzdik dáriger», «Úzdik medbıke», «Úzdik laborant» atalymdarynyń jeńimpazdary aqshalaı syılyqqa ıe boldy.

Medıtsına qyzmetkerleri aldynda K.Baıseıitova atyndaǵy Ulttyq opera jáne balet teatrynyń ártisteri, «Báıterek» toby óner kórsetti.