Derevıanchenko Golovkınmen ekinshi ret aıqassa, jeńetinine senimdi
Eger ýkraınalyq boksshy Gennadıı Golovkınnen revansh alýdyń múmkindigi bolmasa, Saýl Alvares nemese Djermall Charlomen jekpe-jek ótkizýge daıyn ekenin bildirdi.
«Men revansh ótkizgim keledi, dúnıejúzi osyny kútip otyrǵanyna senimdimin. Bul Golovkınniń sońǵy jyldarda ótkizgen eń myqty aıqasy boldy. Kelesi jekpe-jekte IBF jáne IBO tujyrymdarynyń álem chempıony bola alatynyma senemin. Ekinshi aıqasqa suranys bolady dep oılaımyn, sondyqtan meniń promoýterlerim men menedjerlerim ony uıymdastyrýǵa baryn salady», - dedi Derevıanchenko.
Boksshy ekinshi jospary da bar ekenin jasyrmady.
«Eger revansh bolmasa, «Kanelo» Kovalevpen judyryqtasyp bolǵan soń, onymen ustasyp kórgim keledi. «Kanelomen» jekpe-jek ótkizetinime senemin, óıtkeni, orta salmaqta basqa laıyqty eshkim joq. Eger «Kanelo» da jabyq bolsa, Charlomen kezdesip, 160 fýntta shaıqastyń kókesin kórsetýshi edim», - dedi ýkraınalyq bylǵary qolǵap sheberi.
