Derevıanchenko Golovkınge qanshalyqty qaýipti qarsylas

ASTANA. QazAqparat - Tanymal Boxingnews24.com saıtynyń sholýshysy ári tilshisi Djım Doýer sharshy alańda birde-bir márte jeńilip kórmegen Gennadıı Golovkınmen ýkraındyq Sergeı Derevıanchenkonyń bolýy yqtımal aıqasy týraly oıyn bildirdi, dep habarlaıdy QazAqparat tilshisi Sports.kz saıtyna silteme jasap.

«Boks fanattarynyń keıbireýi Gennadıı Golovkın ýkraındyq Sergeı Derevıanchenkonyń aıtarlyqtaı qarsylyǵyna tap bolatynyn aıtyp jatyr. Meniń oıymsha, olaı emes. 2008 jyly ótken Olımpıada oıyndary kezinde ol kýbalyq Emılıo Korreadan 18:4 esebimen utylǵan. Ýkraındyq Búkilálemdik boks sýper serııasynda ózin jaman kórsetken joq, alaıda Braıan Kastanoǵa báribir ese jiberip aldy. Derevıanchenko sulatqan qarsylastardyń kóbi asa tanymal emes edi», - dep jazady Doýer.

Eske sala ketsek, Derevıanchenko qazirgi ýaqytta Golovkınde turǵan IBF tıtýlyna mindetti úmitker bolyp tabylady.