Derevıanchenko Gennadıı Golovkınmen revanshtyń basty shartyn atady

NUR-SULTAN. QazAqparat – Ýkraınalyq boksshy Sergeı Derevıanchenko (13-2, 10 KO) Gennadıı Golovkınnen (40-1-1, 35 KO) revansh alýdyń ońaı emestigin aıtty, dep habarlaıdy QazAqparat Sports.kz. saıtyna silteme jasap.

«Biz odan ári qaraı áńgime qalaı órbıtinin kútemiz. Gennadıı revansh ótkizýge kelisedi me, ol jaǵyn bilmedim. Menińshe, ol Alvarespen úshinshi márte kezdeskisi keledi. Ol beldik úshin rıngke shyqqysy keledi. Onyń osy baǵyttaǵy josparlary ózi oılaǵandaı bolmaı qalatyn bolsa, onda menimen revansh ótkizýi múmkin»,-dedi Derevıanchenko.

Esterińizge sala keteıik, Golovkın Derevıanchenkony Nıý-Iorkte (SShA) Madison Square Garden arenasynda tóreshilerdiń biraýyzdan sheshimimen jeńip, esep 115-112, 115-112, 114-113 boldy. Alaıda kóptegen sarapshylar men fanattardy Golovkınniń bul jeńisi qanaǵattandyrmaı otyr, osy sebepti olar revanshtyń bolýyn qalaıdy.

Gennadıı osy kezdesýde IBF jáne IBO nusqalary boıynsha chempıondyq beldikterdi qaıtardy.