«Derekterdi óńdeý ortalyqtary alqabyn» udaıy qadaǵalap otyramyn — Prezıdent
ASTANA. KAZINFORM — «Derekterdi óńdeý ortalyqtary alqaby» megajobasy álemdegi jetekshi BigTech-korporatsııalardy tartatyn joıqyn gravıtatsııalyq alańǵa aınalady. Memleket basshysy Qasym-Jomart Toqaev bul jobanyń oryndalýyn udaıy qadaǵalap otyratynyn aıtty.
Prezıdenttiń aıtýynsha, elimizdegi tsıfrlyq bankter men fınteh-kompanııalar tutynýshylarǵa jáne kásipkerlerge arnalǵan qolaıly ekojúıeniń negizin qalady. Qarjy, saýda júıeleri jáne memlekettik qyzmetter arasynda kedergisiz tsıfrlyq keńistik qalyptasty.
— Sonyń nátıjesinde sońǵy bes jylda elektrondy kommertsııa naryǵy shamamen 8 ese ulǵaıyp, 3,7 trıllıon teńgege jetti. Bul — elimizdegi bólshek saýda kóleminiń shamamen 15 paıyzy. Munyń bári azamattarymyzdyń tsıfrlyq júıelerge degen senimi joǵary ekenin jáne olardyń tutynýshylyq mádenıeti ózgere bastaǵanyn kórsetedi. Osy qarqyndy báseńdetpeý úshin memleket tıisti ınfraqurylymdy úzdiksiz damytyp otyrýy kerek, — dedi Q. Toqaev Parlament palatalarynyń sońǵy birlesken otyrysynda.
Qýatty sýperkompıýterlerdi iske qosý bul baǵyttaǵy mańyzdy qadam boldy. Ol jasandy ıntellekt jónindegi teorııalyq tujyrymdardy memlekettik basqarýǵa, ekonomıkaǵa jáne ulttyq qaýipsizdikke arnalǵan qoldanbaly sheshimderge ulastyrdy.
— Degenmen jasandy ıntellekt mol qýat pen esepteý keńistigin qajet etedi. Dál osy sebepti «Derekterdi óńdeý ortalyqtarynyń alqaby» megajobasyn qolǵa alýdyń máni zor. Atalǵan joba álemdegi jetekshi BigTech-korporatsııalardy tartatyn joıqyn gravıtatsııalyq alańǵa aınalady. Úkimet bul mindetti aıryqsha baqylaýda ustaýy kerek. Onyń oryndalýyn udaıy qadaǵalap otyramyn, — dedi Memleket basshysy.
Buǵan deıin Prezıdent Quryltaı saılaýyn ótkizý týraly arnaıy Jarlyqqa qol qoıatynyn, onyń quramyna úzdikter ǵana kirýi keregin aıtqan edi.
30 jylda Parlament 3,5 myńǵa jýyq zań qabyldaǵan.
Sondaı-aq, Elektrondyq Parlamentti damytýǵa basymdyq beriledi.
