Derbes shottardaǵy artyq tólemdi tolyǵymen alyp tastaý múmkin emes - Erulan Jamaýbaev
«Bolashaq tólemder esebinen artyq tóleý máselesi boıynsha eskertýge qatysty toqtalsaq, bıýdjetpen esep aıyrysýdyń ádistemelik erekshelikterine baılanysty derbes shottardaǵy artyq tólemdi tolyǵymen alyp tastaý múmkin emes.
Máselen, korporatıvtik tabys salyǵy boıynsha artyq tólem jyl ishinde zańnamada kózdelgen aı saıynǵy avanstyq tólemderdi tóleýge negizdelgen. Birkelki túsimderdi qamtamasyz etýdiń mundaı praktıkasy halyqaralyq tájirıbege sáıkes keledi. Onyń ishinde Ekonomıkalyq yntymaqtastyq jáne damý uıymy elderi de bar», - dedi E. Jamaýbaev Úkimet pen Esep komıtetiniń 2020 jylǵa arnalǵan respýblıkalyq bıýdjettiń atqarylýy týraly esepterin qaraý kezinde.
Onyń aıtýynsha, bul rette, avanstyq tólemderdi aı saıyn tóleý boıynsha mindetteme kirisi 325 myń aılyq eseptik kórsetkishten asatyn korporatıvtik tabys salyǵynyń iri tóleýshilerine ǵana qatysty. Qalǵan 90% tóleýshilerge mundaı norma qoldanylmaıdy. Jalpy alǵanda, esepti kezeńde avanstyq tólemderdiń tómendeýi daǵdarys kezeńinde kompanııalar tabysynyń azaıýymen baılanysty boldy.
«Qosylǵan qun salyǵyna kelsek, 2021 jylǵy 1 qańtardaǵy jaǵdaı boıynsha qosylǵan qun salyǵy boıynsha artyq tólem 1,6 trln teńgeni qurady. Osy somanyń basym bóligi salyq tóleýshiler satyp alǵan taýarlar men kórsetilgen qyzmetter boıynsha qalyptasqan. ıAǵnı bıýdjetke is júzinde artyq salyq tólengen joq. Degenmen bul qarajat qosylǵan qun salyǵyn tóleý boıynsha týyndaǵan salyq mindettemeleriniń esebine paıdalanylýy múmkin», - dedi mınıstr.
