Derbes derekterdi óńdeý tártibin buzǵandarǵa ákimshilik jaýapkershilik kózdeledi
ASTANA. 14 qarasha. QazAqparat - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine derbes derekter máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
Atalǵan qujat Májilis maquldaǵan «Derbes derekter týraly» zań jobasyna ilespe joba bolyp tabylady. Bul rette zań jobasy boıynsha derbes derekterdi óńdeý tártibin buzǵany úshin ákimshilik jaýapkershilik engizý kózdeledi. Budan bólek, Eńbek kodeksinde qyzmetkerdiń derbes derekterin óńdeý uǵymy olardy jınaýmen, júıelendirýmen, jańartýmen, paıdalanýmen jáne joıýmen tolyqtyrylady.
Al qujat boıynsha Azamattyq kodekske engiziletin túzetýlerge sáıkes azamat óz esimi onyń kelisiminsiz paıdalanǵanda buǵan tyıym salynýyn talap etýge quqyly bola alady.
