Derbes derekterdi qorǵaý: notarıýstar qandaı jazaǵa tartylýy múmkin
ASTANA. KAZINFORM — Májilis depýtaty Nursultan Baıtilesov notarıýstarda derbes derekterdi qorǵaý tetikterine qatysty túsinik berdi.
— Elde tsıfrlandyrý óte belsendi engizilip jatyr. Búginde onlaın formatta senimhattar men kelisimder kýálandyrýdan ótip jatyr, sondaı-aq konsýltatsııalyq kómek kórsetiledi. Іlki joba aıasynda 800 myńnan astam qyzmet onlaın, ıaǵnı qashyqtan kórsetildi. Sondyqtan birinshi oqylymda maquldanǵan qujat aıasynda atalǵan tetikterdi zańdastyrý eskerilgen. Jalpy, notarıýsqa qatysty halyqtyń senimin kúsheıtýge baǵyttalǵan normalar qabyldanyp jatyr, — dedi Nursultan Baıtilesov Parlament Májilisinde tilshiler suraǵyna jaýap bere otyryp.
Sonymen qatar ol zań jobasynda tsıfrlyq qoltańbany, derbes derekterdi qorǵaý boıynsha notarıýstardyń jaýapkershiligin kúsheıtý normalary qamtylǵanyn aıtty.
— Derekterdi qorǵaýǵa toqtalsaq, eger azamatqa qatysty málimetter nemese elektrondy qoltańba notarıýs tarapynan basqa úshinshi tulǵalarǵa tarap ketse, mundaı áreketterdiń aýyrlyǵyna qaraı shara qabyldanady. Máselen, notarıýstardyń lıtsenzııasyn toqtatý nemese qaıtaryp alý qarastyrylǵan. Munymen qosa, aqparatty qorǵaýǵa qatysty basqa zańdarda kózdelgen, ıaǵnı ákimshilik jáne qylmystyq jaýapkershilik jazalary da beriledi, — dedi depýtat.
Budan buryn habarlanǵandaı, búgin Májilistiń jalpy otyrysynda notarıattyq qyzmetti jetildiretin zań jobasyn birinshi oqylymda maquldady.
