Derbes derekterdi qorǵaý: 28 telegram-bot buǵattaldy
Tsıfrlyq damý, ınnovatsııalar jáne aeroǵarysh ónerkásibi mınıstrligi keıbir Telegram-bottarda jeke málimetterdiń taralý oqıǵasyna túsinik berdi, dep habarlaıdy Kazinform.
«Bul Telegram-bottardyń jumysy Facebook, Telegram, WhatsApp, Odnoklassnıkı syndy ártúrli onlaın-platformalardyń servısterinen derbes derekterdi jınaýǵa arnalǵan», - delingen Tsıfrlyq damý mınıstrliginiń Kazinform agenttigine bergen jaýabynda.
Sonymen qatar, telegram-bottar turǵylyqty mekenjaılar týraly burynǵy aqparatty kórsetip jatyr. Keıbir adrester jalpyǵa birdeı taralǵan servısterde nemese taýar jetkizý qyzmetterinde kórsetilgen bolýy múmkin. Bul turǵyda atalǵan telegram-bottar buryn taralyp ketken derbes derekterdi qamtıtyn bazalardan aqparat alady, sondaı-aq resmı servısterdiń osal tutastaryn paıdalana otyryp, málimet jınaqtaıdy.
«Qazaqstan Respýblıkasy azamattarynyń derbes derekterine qol jetkizýge múmkindik beretin telegram-bottaryna qatysty júrgizilip jatqan jumystarǵa toqtalsaq, qazir Telegram ákimshiligimen ózara is-qımyl barysynda 28 telegram-bot buǵattalǵan. Bıylǵy 28 qazanda azamattardyń derbes derekterine qaýip tóndirgen telegram-bot buǵattaldy», - dep atalyp ótken mınıstrlik aqparatynda.
Eske salsaq, bıyl kúzde Májilis otyrysynda depýtat Nıkıta Shatalov keıbir Telegram-bottarda jeke málimetterdiń taralýy anyqtalǵanyn aıtqan edi.
