Derbes derekter týraly zańnamany buzǵany úshin jaýaptylyq qarastyrylady
ASTANA. 18 sáýir. QazAqparat - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine derbes derekter jáne olardy qorǵaý máseleleri boıynsha ózgerister men tolyqtyrýlar engizý týraly» zań jobasyn eki oqylymda talqylady.
Qujatqa birqatar ózgerister engizilip, Májiliske qaıtaryldy.
Atalǵan qujat «Derbes derekter jáne olardy qorǵaý týraly» zań jobasyna ilespe qujat bolyp tabylady. Bul rette, zań jobasymen qoldanystaǵy birqatar zańnamalyq aktilerge ózgerister men tolyqtyrýlar engizý kózdeledi. Atap aıtqanda, Qylmystyq kodekske jáne Ákimshilik quqyq buzýshylyq týraly kodekske derbes derekter jáne olardy qorǵaý týraly zańnamany buzǵany úshin jaýaptylyq engizý usynylady. Budan bólek, Eńbek kodeksine qyzmetkerdiń derbes derekterin jınaý, óńdeý jáne qorǵaý boıynsha jumys berýshiniń mindetteri belgilenedi. Sonymen birge, jumys berýshide saqtalatyn derbes derekterdiń qorǵalýyn qamtamasyz etý maqsatynda qyzmetkerdiń quqyqtary da qaralady. Sondaı-aq, Halyq densaýlyǵy jáne densaýlyq saqtaý júıesi týraly kodekske patsıentterdiń derbes derekteriniń qorǵalýyn qamtamasyz etýdi kózdeıtin norma jańa redaktsııada usynylyp otyr.
