Derbes derekter týraly zań jobasy birinshi oqylymda maquldandy
ASTANA. 14 qarasha. QazAqparat - Búgin QR Parlamenti Májilisiniń jalpy otyrysynda palata depýtattary «Derbes derekter týraly» zań jobasyn birinshi oqylymda maquldady.
Atalǵan qujatty ázirleý derbes derekterdi jınaýdy, júıelendirýdi, jınaqtaýdy, saqtaýdy, jańartýdy, ózgertýdi, paıdalanýdy, joıýdy qosa alǵanda derbes derektermen jumys isteý tártibin zańnamalyq turǵydan bekitý qajettigine baılanysty týyndaǵan.
Bul rette, adamnyń derbes derekterin jeke ómiri týraly málimetterge jatqyzýǵa bolady. Sebebi, olar osyndaı aqparattyń negizinde anyqtalatyn jeke tulǵaǵa qatysty aqparatty bildiredi.
Alaıda, qoldanystaǵy zańnamada derbes onyń ishinde bıometrııalyq derekterdiń quqyqtyq jaǵdaıy rettelmegen. Al, tıisti tetikterdiń bolmaýy derbes derekterdi qylmystyq maqsattarda teris paıdalanýǵa, ony ishinde jalǵan qujattar jasaýǵa, alaıaqtyqqa, ártúrli kóshirmeler jasap taratýǵa alǵysharttar jasaıdy. Osyǵan baılanysty zań jobasynda azamatyń derbes derekterin óńdegen kezde onyń quqyqtary men bostandyqtaryn, jeke ómiri men otbasy qupııasyna qol suǵylmaýshylyq quqyqtaryn qorǵaýdy qamtamasyz etetin bolady.
