Der shaǵynda kóterilgen asa ózekti mańyzdy bastama – Toqaev Beıbitshilik keńesi týraly

ASTANA. KAZINFORM - Beıbitshilik keńesi – tez ári tıimdi nátıjege qol jetkizý úshin der shaǵynda kóterilgen asa ózekti mańyzdy bastama. Bul týraly Pákistannyń The News International gazetine suhbat bergen Memleket basshysy Qasym-Jomart Toqaev aıtty.

- Beıbitshilik keńesi – tez ári tıimdi nátıjege qol jetkizý úshin der shaǵynda kóterilgen asa ózekti mańyzdy bastama. Prezıdent Donald Tramptyń ózi Jarǵyǵa qol qoıý rásiminde Beıbitshilik keńesi Birikken Ulttar Uıymyn almastyrýdy emes, oǵan demeý bolýdy kózdeıtinin ashyp aıtty. Ókinishke qaraı, BUU qazir ınstıtýtsıonaldyq daǵdarysty bastan keshirip otyr, - dedi Prezıdent.

Osy oraıda Memleket basshysy bul bastama Birikken Ulttar Uıymy Qaýipsizdik Keńesiniń 2803 qararyn iske asyrýǵa yqpal etetin erekshe jaıt retinde atap ótedi.

- Atalǵan qararda beıbitshilik halyqaralyq legıtımdilik, sondaı-aq tıimdi kóshbasshylyqqa arqa súıeýge tıis ekeni anyq jazylǵan. Beıbitshilik keńesi qaqtyǵystardy retteýdiń ıkemdi ári pragmatıkalyq tetikterin usynyp, álemdegi beıbitshilik pen turaqtylyqty nyǵaıtýǵa eleýli úles qosatynyna senimdimin, - dedi Qasym-Jomart Toqaev.

Aıta keteıik, Qazaqstan Prezıdenti Pákistan basylymyna suhbat berdi.