Depýtattyń kóligi órtendi
ASTANA. QazAqparat - Reseıdiń Tver oblysynda Zań shyǵarýshy jınalysynyń depýtaty Artem Goncharovtyń «Volkswagen Passat» qyzmettik kóligi órtendi.
Oqıǵa keshe keshke Tver-Rjev kúre jolynda oryn alǵan, biraq ol týraly búgin belgili boldy. Goncharov oblys ortalyǵyna jumys saparynan oralyp kele jatqanda, kólik dóńgelegi jarylǵan, dep jazady planet-today.ru.
«Júrgizýshimen birge dóńgelekti aýystyrý úshin joldyń jıegine toqtadyq. Kólikten shyqpaı turyp, artymyzǵa qarasaq, jol boıymen avtomobılge qaraı jalyn jaqyndap kelgenin kórdik. Kólikten shyqqanymyz sol edi, sanaýly sekýndtarda jalynǵa oralyp, 5-7 mınýttan soń tolyq órtenip ketti», - dedi Goncharov.
Depýtat atalǵan oqıǵa boıynsha polıtsııaǵa áli shaǵymdanǵan joq, dep naqtylady ІІM-niń oblystyq basqarmasynyń baspasóz qyzmetinen.
