Depýtattyqqa kandıdattarǵa qaıyrmaldyqtyń eń joǵary mólsheri jarııalandy
Onyń atap ótýinshe, Májilis depýtattyǵyna kandıdattardy partııalyq tizimmen usynǵan saıası partııalar úshin menshikti qarajattyń jalpy somasy 5 myń eń tómengi jalaqydan nemese 350 mln teńgeden aspaýǵa tıis. Respýblıka azamattary men uıymdardyń erikti qaıyrmaldyqtary 10 myń eń tómengi jalaqydan ne 700 mln teńgeden aspaýy kerek. Jeke tulǵalardyń erikti qaıyrmaldyǵynyń shekti mólsheri 100 eń tómengi jalaqyny (7 mln teńge), al zańdy tulǵalardan 500 eń tómengi jalaqyny (35 mln teńge) quraıdy. Saılaý qorynyń jalpy mólsheri 15 eń tómengi jalaqydan aspaýy qajet. Ol 1 mlrd 50 mln teńgeni quraıdy.
Májiliste bir mandatty aýmaqtyq okrýgten saılanatyn depýtattyqqa kandıdattar úshin óziniń qarajaty 200 eń tómengi jalaqydan nemese 14 mln teńgeden aspaýy kerek. Azamattar men uıymdardyń erikti qaıyrmaldyǵy 500 eń tómengi jalaqydan (35 mln teńge), jeke tulǵallardan 25 eń tómengi jalaqydan (1 mln 750 myń teńge), zańdy tulǵalardan 50 eń tómengi jalaqydan (3,5 mln teńge) aspaýy qajet. Al saılaý qorynyń jalpy mólsheri 700 eń tómengi jalaqydan (49 mln teńge) aspaýy shart.
Oblystardyń, respýblıkalyq mańyzy bar qalalar men astananyń máslıhattary depýtattaryna kandıdattardy partııalyq tizimmen usynǵan saıası partııalar úshin saıası partııalardyń menshikti qarajaty 70 mln teńgeden aspaýy tıis. Al respýblıka azamattary men uıymdardyń erikti qaıyrmaldyǵy 140 mln teńgeden astaýy qajet. Sonymen qatar jeke tulǵalar, 3,5 mln teńge, zańdy tulǵalar 17,5 mln teńge qaıyrmaldyq bere alady. Saılaý qorynyń jalpy mólsheri 210 mln teńgeden astaýy kerek.
Al bir mandattyq okrýg boıynsha saılanatyn oblystardyń, respýblıkalyq mańyzy bar qalalar men astananyń máslıhattary depýtattaryna kandıdattar úshin kandıdattyń óz qarajat 7 mln teńgeden, azamattar men uıymdardyń erikti qaıyrmaldyǵy 147 mln teńgeden, jeke tulǵalardyń qaıyrmaldyǵy 700 myń teńgeden, zańdy tulǵalardyń qaıyrmaldyǵy 1 mln 750 myń teńgeden aspaýy tıis. Saılaý qorynyń jalpy mólsherin 21 mln teńgeden asyrýǵa bolmaıdy.
Bir mandatty okrýgterden saılanatyn aýdandar men qalalardyń máslıhat depýtattaryna kandıdattar úshin kandıdattyń óz qarajaty 3,5 mln teńgeden aspaýy kerek. Azamattar men uıymdardyń erikti qaıyrmaldyǵy 7 mln teńgeden, jeke tulǵalardyń erikti qaıyrmaldyǵy 350 myń teńgeden, zańdy tulǵalardan 1 mln 50 myń teńgeden aspaıdy. Saılaý qorynyń jalpy mólsheri 10,5 mln teńgeni quraıdy.
«Memlekettik organdar men uıymdardyń, jergilikti ózin ózi basqarý organdarynyń jarǵylyq kapıtalynda sheteldik qatysýshy bar qaıyrymdylyq uıymdardyń, dinı birlestikterdiń, qazaqstandyq zańdy tulǵalardyń erikti qaıyrmaldyǵyna, sonymen qatar jeke jáne zańdy tulǵalardyń jasyryn qaıyrmaldyǵyna tyıym salynady», - dedi Sábıla Mustafına.
