Depýtattyq korpýs Elbasy basymdyq bergen bes mindetti júzege asyrýǵa kúsh-jigerin aıamaıdy - Q.Jaqypov

ASTANA. QazAqparat - Depýtattyq korpýs QR Prezıdenti Nursultan Nazarbaevtyń «Nur Otan» partııasynyń kezekti XVI sezi barysynda memleket pen qoǵam aldyna qoıǵan 5 basym mindetti iske asyrýǵa bar kúsh-jigerin salady. Búgin QR Parlamenti Májilisiniń jalpy otyrysynda palata Tóraǵasy Qabıbolla Jaqypov osylaı málimdedi.

Eske salaıyq, búgin «Nur Otan» partııasynyń XVI sezi barysynda Nursultan Nazarbaev prezıdenttikke kandıdat retinde usynyldy.

«Partııalyq forýmda sóz sóılegen elimizdiń óńirlerinen kelgen delegattar Elbasynyń elimizdiń memlekettiligin qalyptastyrýdaǵy rólin joǵary baǵalady. Parlament Májilisiniń depýtattyq korpýsy Memleket basshysynyń halyq ómirin jaqsartý maqsatyndaǵy qoǵam men memleket aldyna júktegen bes basym mindetin júzege asyrýǵa bar kúshi men bilimin salatynyn málimdeımiz», - dedi Qabıbolla Jaqypov.