Depýtatty Taraz - Jetibaı - Tegistik - Oıyq baǵytyndaǵy avtomobıl jolynyń kúrdeli jaǵdaıy alańdatady
ASTANA. Qazannyń 27-si. QazAqparat - Búgin Parlament Májilisiniń jalpy otyrysynda depýtat Amankeldi Momyshev QR Kólik jáne kommýnıkatsııa mınıstri Ábilǵazy Qusaıynovqa depýtattyq saýal joldady.
Parlamentshiniń depýtattyq saýal joldaýyna Jambyl oblysynyń Baızaq, Talas jáne Sarysý aýdandarynyń bir top máslıhat depýtattarynyń aıtqan ótinishi sebep bolǵan. Depýtatqa ótinish bildirýshiler Jambyl oblysy joldarynyń sheshimin tappaı otyrǵan kóptegen máselelerdi alǵa tartqan.
«Saılaýshylardy oblys sanatyna jatatyn Taraz - Jetibaı - Tegistik - Oıyq baǵytyndaǵy avtomobıl jolynyń kúrdeli jaǵdaıy alańdatady. Bul jol oblystyń Baızaq, Talas, Sarysý aýdandaryn basyp ótip, Ońtústik Qazaqtan oblysyna shyǵady. Osy joldyń ondaǵan jyldar boıy jóndeý kórmeýi sebebinen jol tasymaldaý qyzmetine jaramsyz bolyp, úsh aýdan turǵyndarynyń oblys ortalyǵyna, kórshiles aýdandarǵa jáne Ońtústik Qazaqstan oblysyna qatynasýyna qıynshylyqtar týyndatyp otyr»,- dedi depýtat Amankeldi Momyshev.
Depýtat osy máseleniń ýaqtyly sheshimin taýyp, atalǵan avtomobıl jolynyń el ıgiligine tolyqtaı qyzmet etýi úshin ortasha jóndeý jumystaryn júrgizýge 2011 jylǵa 200,0 mln. teńge, 2012 jylǵa 385,1 mln. teńge respýblıkalyq bıýdjet esebinen Jambyl oblysynyń ınvestıtsııalyq jobalaryna sáıkes bólý múmkindigin qarastyrýyn surady.
