Depýtattyq korpýsty jańartý máslıhattardyń jumysyn kúsheıtedi – Qasym-Jomart Toqaev
ASTANA. KAZINFORM – Memleket basshysy Premer-mınıstrmen jáne Quryltaı tóraǵasymen konsýltatsııalar ótkizdi. Bul týraly Aqordanyń baspasóz qyzmeti habarlady.
Memleket basshysy Premer-mınıstrmen jáne Quryltaı tóraǵasymen barlyq deńgeıdegi máslıhattardyń ókilettigin merziminen buryn toqtatý máselesi boıynsha konsýltatsııa ótkizdi.
Qasym-Jomart Toqaev azamattardyń zańdy múddelerin qamtamasyz etý, jergilikti bıýdjetterdi bekitý jáne óńirlerdiń damýyn baqylaý úshin máslıhattardyń tolyqqandy jumysynyń mańyzdy ekenin atap ótti.
Prezıdent depýtattyq korpýsty jańartý jergilikti ókildi organdardyń qyzmetin edáýir kúsheıtetinine senim bildirdi.
Qazaqstan Respýblıkasy Konstıtýtsııasynyń 88-babynyń 5-tarmaǵyna sáıkes júrgizilgen konsýltatsııalar barysynda Premer-mınıstr Oljas Bektenov pen Quryltaı Tóraǵasy Aıbek Dádebaı qarastyrylyp otyrǵan máselege qatysty óz usynystaryn jetkizdi.
Kezdesý qorytyndysy boıynsha Prezıdent Konstıtýtsııanyń negizgi erejelerine tolyq sáıkes jáne aıtylǵan pikirlerdi eskere otyryp, túpkilikti sheshim qabyldaıtynyn aıtty.
