Depýtattardyń merziminen buryn saılaýy Parlamentke tyń ıdeıalar alyp keledi - E. Qarın
ASTANA. QazAqparat - Qazaqstandaǵy merziminen erte parlamenttik saılaý eldiń qoǵamdyq-saıası ómirine belgili bir qarqyn beredi, sondaı-aq Parlamentke jańa ıdeıalardy alyp keledi.
Bul óz kezeginde bılik pen azamattar arasyndaǵy budan arǵy dıalogty damytýǵa múmkindik beredi. Bul týraly búgin QR Prezıdenti janyndaǵy Strategııalyq zertteýler ınstıtýtynyń dırektory Erlan Qarın málim etti.
«2016 jyl Qazaqstan úshin saılaý naýqany turǵysyndaǵy oqıǵamen erekshe bolady. QR Parlamentinde boljanyp otyrǵan saılaý eldiń saıası jáne áleýmettik jańarýynda jańa kezeń bolýy tıis»,-dedi E. Qarın «Ortalyq Azııa 2016: trendter jáne syn-qaterler» atty «dóńgelek ústelde».
Onyń sózine qaraǵanda, Májilis depýtattary bastamasy bıylǵy jyldyń eń mańyzdy saıası oqıǵalarynyń biri bolyp otyr.
«Bul turǵyda barlyq negizgi dálelder keltirilip, ustanymdary naqty túsindirildi. Sondyqtan da osy boljanyp otyrǵan saılaý eldiń qoǵamdyq-saıası ómirine belgili bir qarqyn beredi. Jańa ári tyń ıdeıalar bılik pen azamattar arasyndaǵy budan ary qaraıǵy dıalogty damytýǵa yqpal etedi»,-degen pikirin bildirdi E. Qarın.
Sarapshynyń paıymynsha, Májilis jáne barlyq deńgeıdegi máslıhattarda merziminen buryn saılaý ótkizý daǵdarysqa qarsy saıasatty tıimdi júzege asyrý úshin qajetti qadamdardy ázirleýge múmkindik beredi.
