Depýtattardyń jalaqysyna bıýdjetten qansha qarajat jumsalady
ASTANA. KAZINFORM — Parlament qyzmetine memlekettik bıýdjetten bólinetin qarjy kólemi belgili boldy.
— 2026 jyly Parlament qyzmetin qamtamasyz etýge shamamen 7,8 mlrd teńge bólinedi. Atalǵan qarajat tek depýtattardy, sondaı-aq Senattaǵy, Parlamenttegi saıası memlekettik qyzmetshilerdi jáne Parlamenttiń ákimshilik memlekettik qyzmetshilerin qamtamasyz etýge arnalǵan. Munyń bári eńbekaqy tóleý qoryna jumsalady, — dedi Qarjy vıtse-mınıstri Abzal Beısenbekuly Májiliste ótken baspasóz máslıhatynda.
Buǵan deıin 2026 jyly Prezıdent bastamalaryna 285 mlrd teńge bólinetini týraly habarlaǵan edik.
Búgin Májiliste «2026-2028 jyldarǵa arnalǵan respýblıkalyq bıýdjet týraly» jáne respýblıkalyq jáne oblystyq bıýdjet, respýblıkalyq mańyzy bar qalalar, Astana bıýdjeti arasyndaǵy 2026-2028 jyldarǵa arnalǵan jalpy sıpattaǵy transfert kólemi týraly zań jobasy tanystyryldy.