Depýtattar Joǵary aýdıtorlyq palatanyń múshelerin taǵaıyndaýǵa kelisim berdi
ASTANA. KAZINFORM — Búgin Quryltaıdyń jalpy otyrysynda QR Prezıdentine Joǵary aýdıtorlyq palatanyń múshelerin taǵaıyndaýǵa kelisim berý máselesi qaraldy.
Konstıtýtsııanyń 56-babynyń 9-tarmaqshasyna sáıkes, QR Prezıdentiniń Konstıtýtsııalyq Sotynyń sýdıalaryn, Ortalyq saılaý komıssııasynyń jáne Joǵary aýdıtorlyq palatanyń múshelerin taǵaıyndaýǵa Quryltaı depýtattary jalpy sanynyń kópshilik daýsymen kelisimin beredi.
— Memleket basshysynyń tapsyrmasyna sáıkes, Joǵary aýdıtorlyq palatanyń múshesi laýazymyna kelesi kandıdatýralar usynylady: Baqyt Ábildınov, Rahymjan Dildaev, Amangeldi Esenov, Ǵabıden Jaqsylyqov, Rýslan Meldebekov, Nurlan Nurjanov, Ardaq Teńgebaev, ıÝlııa Engel, — dedi Prezıdent Ákimshiliginiń basshysy Roman Sklıar.
Jalpy otyrysta daýys berý kezinde Quryltaı Prezıdentke atalǵan adamdardy Joǵary aýdıtorlyq palatanyń múshesi qyzmetine taǵaıyndaýǵa kelisim berdi.
Buǵan deıin habarlanǵandaı, Álıhan Smaıylov Joǵary aýdıtorlyq palatany basqara beredi.
