Depýtattar jobalyq qarjylandyrý boıynsha zań jobasymen tanysty
ASTANA. 3 naýryz. QazAqparat /Marlan Jıembaı/ - Búgin QR Parlamenti Májilisiniń Qarjy jáne bıýdjet komıtetinde «Qazaqstan Respýblıkasynyń keıbir zańnamalyq aktilerine jobalyq qarjylandyrý máselesi boıynsha ózgerister men tolyqtyrýlar engizý týraly» QR Zańynyń jobasy tanystyryldy.
Zań jobasyn tanystyrǵan Ekonomıkalyq damý jáne saýda vıtse-mınıstri Marat Qusaıynovtyń atap ótýinshe, qazirgi ýaqytta elimizde júzege asrylyp jatqan iri ınfraqurylymdyq jobalar bıýdjetten nemese ulttyq kompanııalar esebinen qarjylandyrylady. Bul oraıda atalǵan maqsattarǵa jeke ınvestıtsııa tartý máselesi qıyndyqqa ushyrap otyr. Osy rette qarjylandyrý máselesi boıynsha zańnamaǵa ózgertý engizý iri jobalardy júzege asyrýǵa jeke kapıtal úshin qosymsha sharttar qurýdy qarastyrady.
«Bul zań jobasy halyqaralyq konsýltanttarmen yntymaqtasa otyryp ázirlendi jáne álemdik tájirıbeni eskerip, Qazaqstanda jobalyq qarjylandyrý tetikterin engizýdi qarastyrady», - dedi M.Qusaıynov.
