Depýtattar velosıpedti qalalardyń kólik júıesine engizýdi surady
ASTANA. QazAqparat - «Aq jol» fraktsııasy velosıpedterdi qalanyń kólik júıesine engizýdi surady. Bul máseleni Májilistiń jalpy otyrysynda depýtat Danııa Espaeva kóterdi, dep habarlaıdy QazAqparat.
«Aq jol» depýtattyq fraktsııasyna velosıped sporty qoǵamdastyǵynyń ókilderi jolyǵyp, velosıpedpen joldaǵy qozǵalysta qaýipsizdikti qamtamasyz etý jetkiliksiz deńgeıde ekenin atap ótti. Sońǵy kezde kólik quraly nemese sporttyq qural retinde velosıpedke otyrǵandyrdyń sany artýyna baılanysty olardyń qatysýymen JKO jaǵdaılary da jıiledi. 2014 jyldan beri velosıpedshilerdi qaǵyp ketýge qatysty 1200 JKO oryn aldy. Kóp jaǵdaıda osyndaı jol-kólik oqıǵalarynyń týyndaýyna ınfraqurylymnyń joqtyǵy jáne velosıpedpen joldaǵy qozǵalysty retteýde zańnamanyń jetkiliksizdigi yqpal etýde», - dedi Espaeva QR Premer-Mınıstri Baqytjan Saǵyntaevtyń atyna joldaǵan depýtattyq saýalynda.
Osy oraıda depýtat damyǵan kóptegen elde velosıped kóligi qarqyndy damyp kele jatqanyn atap ótti.
Atalǵan másele boıynsha «Aq jol» fraktsııasy velosıped jolaqtaryn qurý men velosıpedshiler qaýipsizdigi boıynsha jol qozǵalysy erejesin tolyqtyrý arqyly velosıpedti qalalardyń kóliktik júıesine engizýdi surady.
