Depýtattar turmystyq zorlyq-zombylyqqa qarsy zań jobasyn qarastyrady
ASTANA. 28 qazan. QazAqparat - 30 qazanda Palata spıkeri Nurlan Nyǵmatýlınniń tóraǵalyǵymen Májilistiń plenarlyq otyrysy ótedi. Onyń barysynda turmystyq zorlyq-zombylyqqa qarsy depýtattyq zań jobasy qaralady. Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
Onyń sózine qaraǵanda, sonymen qatar, Qazaqstannyń Túrkııa jáne Qytaımen sottalǵan tulǵalardy ózara berý týraly sharttardy ratıfıkatsııalaý zań jobalary, sondaı-aq Chehııamen qylmystyq ister boıynsha ózara quqyqtyq kómek kórsetý týraly shartty ratıfıkatsııalaý jónindegi zań jobalary qarastyrylady.
Budan bólek, Qazaqstan senatory Sergeı Gromovtyń qatysýymen 30-31-qazanda Erevanda UQShU PA-nyń Qorǵanys jáne qaýipsizdik jónindegi turaqty komıssııasynyń kóshpeli otyrysy ótedi.
