Depýtattar sý tasqyny problemasyna arnaıy baǵdarlamany ázirleýdi usyndy

ASTANA. QazAqparat - Parlament Májilisindegi jalpy otyrysta depýtat Vladıslav Kosarev QR Premer-Mınıstri Baqytjan Saǵyntaevtyń atyna joldaǵan saýalynda sý tasqynymen kúreske arnalǵan memlekettik baǵdarlamany ázirleýdi usyndy, dep habarlaıdy QazAqparat.

«Qys boıy Úkimet tarapynan jınalystar men selektorlyq keńester ótkizgenin baıqadyq, onda óńir basshylary sý tasqynyna qarsy sharalarǵa tolyqtaı daıyn ekendigin, sondaı-aq shyǵarylǵan qardyń kólemi boıynsha, sý qoımalaryn nyǵaıtý jumystary turǵysynda baıandap jatty. Alaıda kóktem kelisimen, barlyǵy qalqyp shyǵa bastady», - dep toqtaldy depýtat.

Osy oraıda ol jyl saıyn Parlamentte  respýblıkalyq bıýdjetti talqylaý barysynda qajetti qarjy bólinip jatqandyǵyn atap ótti.

«Jyl saıyn osy ahýal qaıtalanyp keledi. Úılerdi, joldardy sý basýyna baılanysty adamdart qıyn jaǵdaıǵa tap bolýda. Sonymen birge, jaýapty memlekettik organdarda ózenderde sý deńgeıiniń kóterilýin, qardyń erýi kólemin jáne iri sý aǵystarynyń baǵyttaryn eshkim de boljaı almaǵandyǵy júıeli túrde baıqalýda», - deıdi Kosarev.

Onyń sózine qaraǵanda, kommýnıster bul máselege keshendi túrde qadamdar jasaýdy usynyp otyr. Barlyq táýekelderge taldaý jasap, jyl saıyn qaıtalanatyn problemalarǵa jol bermeıtindeı naqty ári durys sheshim qabyldaý qajet. Osy oraıda kóktemgi sý tasqyna qatysty tabıǵı apattardyń aldyn alýǵa, eldi mekender men joldardy ınjenerlik qorǵaý sharalaryna, irgesi berik bógetter men sý qoımalardy salýǵa baılanysty bólek memlekettik baǵdarlamany qabyldaý usynysy jasaldy.