Depýtattar saıası jaýapkershilikti kórsetti - Vladımır Telnov

ASTANA. QazAqparat - Belgili sarapshy, Saıasattanýshylar kongresi basqarýshy dırektorynyń orynbasary Vladımır Telnov Májilis depýtattarynyń merziminen buryn taratý týraly sheshimine túsinik berdi.

«Biz barsha álemdi shyrmaýyna alǵan júıeli daǵdarystyń kýágeri bolyp otyrmyz. Alaıda, bizde saqtandyrý strategııamyz bar. Saqtandyrý is-qımyldary boıynsha bizdiń strategııa «Nurly jol» ınfraqurylymdyq túrlený baǵdarlamasyn, «100 naqty qadam» Ult josparyn qamtyp otyr. Árıne, osy baǵyttaǵy sharalardy júzege asyrý úshin Úkimettiń, atqarýshy bıliktiń, sondaı-aq zańnamalyq jáne bıliktiń barsha ózge organdarynyń is-qımyldarynda birlik bolýy kerek»,-dedi ol.

Sarapshynyń aıtýynsha, Ult jospary memleket ómiriniń barlyq salalarynda, ekonomıka men áleýmettik salada túrlenýge baǵyttalǵan.

«Ózgerister qoǵamnyń ózinde de bolýy kerek. Qoǵam barsha osy tarıhı maqsat-mindetterdi sheshý úshin jumylýy qajet. Al Májilis depýtattary QR Prezıdentine Májilisti merziminen buryn taratý bastamasymen júginý arqyly, depýtattyq fraktsııalar saıası kemeldilik pen saıası jaýapkershilikti tanytty»,-dedi V. Telnov.