Depýtattar sany 120-dan 90-ǵa qysqarady: Qyrǵyzstanda Konstıtýtsııanyń jańa jobasy qaralýda
BІShKEK. KABAR-QazAqparat – Qyrǵyz Respýblıkasynyń Jogorký Keneshi Konstıtýtsııanyń jańa jobasyn qaraýǵa kiristi, dep habarlaıdy QazAqparat Kabar agenttigine silteme jasap.
Buǵan deıin bir top depýtat Negizgi zańnyń jańa jobasyn jasaýdy usynǵan bolatyn. Qoǵamdyq talqylaý úshin zańgerler, ǵalymdar, ózge de salalar men qoǵam ókilderinen turatyn konstıtýtsııalyq keńes quryldy. Konstıtýtsııalyq keńes músheleri jańa jobany eki aıdan asa qarap, Jogorký Keneshke qaıta joldady.
Konstıtýtsııanyń jańa jobasynyń burynǵydan negizgi ózgesheligi - eldi prezıdenttik basqarý úlgisine kóshirý týraly usynys. Sondaı-aq depýtattar sanyn 120-dan 90-ǵa qysqartý usynylǵan.
