Depýtattar prokýrordyń ókilettikterin naqtylaýǵa baǵyttalǵan túzetýler engizdi
NUR-SULTAN. QazAqparat - Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine quqyq qorǵaý organdary, prokýratýra jáne sot arasynda ókilettikterdiń jáne jaýapkershilik aımaqtarynyń arajigin ajyrata otyryp, úsh býyndy modeldi engizý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaıdy QazAqparat tilshisi.
Bul qujatty Úkimet 2021 jylǵy 5 qazanda Qazaqstan Respýblıkasy Parlamentiniń Májilisine engizdi.
Májilistiń Zańnama jáne sot-quqyqtyq reforma komıtetiniń mádimetinshe, zań jobasy qylmystardy tez ashý, olardy jasaǵan adamdardy qylmystyq jaýapkershilikke tartý jáne ádil sot talqylaýyn júrgizý maqsatynda qylmystyq-protsestik zańnamany tıimdi qoldanýdy kózdeıtin quqyqtyq tetikterdi ońtaılandyrýǵa baǵyttalǵan.
Zań jobasymen jumys barysynda depýtattar prokýrordyń ókilettikterin naqtylaýǵa, qylmystyq is aıyptaý aktisin jasaý úshin prokýrorda qaralyp jatqan kezeńde kúdiktini qamaýda ustaý máselesin retteýdegi olqylyqtardy joıýǵa qatysty, sondaı-aq sot isin júrgizýdi ońaılatý men retteýge baǵyttalǵan birqatar túzetýler engizdi.
Jalpy alǵanda, jobany qabyldaý adamnyń quqyqtary men bostandyqtarynyń, qoǵam men memleket múddeleriniń qoǵamǵa qaýipti qolsuǵýshylyqtan qorǵalý dárejesiniń sapaly jańa deńgeıin qamtamasyz etýge múmkindik beredi jáne teris áleýmettik-ekonomıkalyq jáne quqyqtyq saldarǵa alyp kelmeıdi.
Aıta keteıik, bıyl 10 qarashada «Qazaqstan Respýblıkasynyń keıbir zańnamalyq aktilerine quqyq qorǵaý organdary, prokýratýra jáne sot arasynda ókilettikterdiń jáne jaýapkershilik aımaqtarynyń arajigin ajyrata otyryp, úsh býyndy modeldi engizý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldanǵan edi.
