Depýtattar «Pedagog mártebesi» týraly saýaldarǵa jaýap berdi - Qostanaı oblysy
QOSTANAI. QazAqparat - QR Parlamenti Májilisiniń depýtattary Snejanna Imasheva men Arman Qojahmetov jumys saparymen Jitiqara aýdanynda boldy, dep habarlaıdy QazAqparat.
Halyq qalaýlylary Jitaqarada shaǵyn jáne orta bıznes ókilderimen kezdesti. Olar kásipkerlerdiń suraqtaryna jaýap berdi. Sonymen qatar atalmysh saladaǵy kedergiler, memlekettik baǵdarlamalardyń iske asýy, isker azamattar úshin utymdy jobalar jaıy sóz boldy.
«Munan soń olar «Bóbek» balabaqshasynyń jumysymen tanysty. Mektepke deıingi bilim berý mekemesiniń ujymymen tildesip, onyń materıaldyq-tehnıkalyq qamtamasyz etilýine oń baǵalaryn berdi. Keıin dene shynyqtyrý jáne saýyqtyrý ortalyǵynyń qurylys jumystaryn baǵamdap qaıtty. Bul nysanda ishki árleý jumystary ǵana qaldy. Jańa sporttyq ortalyq aǵymdaǵy jyly óz esigin, aıqara ashady dep josparlanǵan», - deıdi «Nur Otan» partııasy oblystyq fılıalynyń baspasóz hatshysy Erbolat Ahanov agenttik tilshisine.
Sondaı - aq, Snejanna Imasheva men Arman Qojahmetov Jitiqaranyń №3-shi orta mektebiniń materıaldyq-tehnıkalyq múmkindikterimen tanysty. Munda olar «Pedagog mártebesi» týraly zań jobasy aıasyndaǵy saýaldarǵa jaýap berdi.
Jumys sapary sońynda robototehnıka kabınetinde bolyp, «Elektronıka», «Qultemir qurastyrý» sekildi baǵyttaǵy bilim berý úrdisiniń mańyzdylyǵyn da tilge tıek etti.
