Depýtattar «Ońtústik» óńirlik qolbasshylyǵynda boldy
TARAZ. QazAqparat - QR Parlamenti Májilisiniń Halyqaralyq ister, qorǵanys jáne qaýipsizdik komıtetiniń depýtattary «Ońtústik» óńirlik qolbasshylyǵynda boldy, dep habarlaıdy QazAqparat tilshisi.
Tarazda beısenbi kúni májilismender Taraz garnızonynyń birqatar áskerı bólimshelerine bardy. Depýtattar Qazaqstan qurlyq áskerleri quramyndaǵy eń iri brıgadalardyń biri - 5-shi mehanızatsııalanǵan brıgadanyń oqý-materıaldyq bazasymen tanysyp, oqý korpýsyn aralady.
QR Ulttyq gvardııasynyń polki - 5513-áskerı bóliminde, QR UQK Shekara qyzmetiniń 2035-áskerı bóliminde bolyp, áskerı qyzmetshilerdiń qyzmet jaǵdaılarymen tanysty.
«Jambyl oblysy kezdeısoq tańdalǵan joq, munda «Ońtústik» óńirlik qolbasshylyǵy okrýginiń shtaby, Shekara áskerleri komıteti ornalasqan», - deıdi general-leıtenant, Halyq Qaharmany Baqytjan Ertaev.
Onyń aıtýynsha, búgingi tańda memleket áskerı qyzmetshilerge tolyq kólemde áleýmettik kómek kórsetýdi qolǵa alyp otyr.
Depýtattar shara aıasynda Baýyrjan Momyshulynyń eskertkishine gúl shoqtaryn qoıdy. 
