Depýtattar Nursultan Nazarbaevtyń Qazaqstan Respýblıkasy parlamentarızminiń qalyptasýyndaǵy rólin talqylaıdy
ASTANA. 26 qarasha. QazAqparat - 28 qarashada Astanada Qazaqstan Respýblıkasynyń Parlament Májilisi QR Tuńǵysh Prezıdenti kúnine oraı «Qazaqstan Respýblıkasynyń Tuńǵysh Prezıdenti, Ult Kóshbasshysy Nursultan Nazarbaevtyń Qazaqstan Respýblıkasy parlamentarızminiń qalyptasýyndaǵy róli» atty konferentsııa ótkizedi. Bul týraly búgin Astanada ótken brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
«Forým jumysyna belgili saıasatkerler, depýtattar men qoǵam qaıratkerleri qatysady. Osy únqatysý alańynda Qazaqstan Prezıdenti Nursultan Nazarbaevtyń bizdiń elimizdiń zańnamalyq organynyń qalyptasýy men damýyndaǵy aıryqsha róli talqylanady»,-dedi resmı ókil.
Budan basqa, aldaǵy aptada Qazaqstan Respýblıkasy Parlament Senaty men Májilisiniń depýtattary Qazaqstan Prezıdenti Nursultan Nazarbaevtyń Joldaýynda jáne Memleket Basshysynyń «Qazaqstannyń áleýmettik jańǵyrtylýy: Jalpyǵa ortaq Eńbek qoǵamyna qaraı jıyrma qadam» atty baǵdarlamalyq maqalasynda belgilengen negizgi mindetterdiń oryndalýy barysyn túsindirý maqsatyndaǵy saılaýshylarmen dástúrli kezdesýlerin elimizdiń túrli aımaqtarynda jalǵastyrady.
