Depýtattar Naýryz meıramyn sportpen atap ótpek
«QazAqparat» agenttiginiń tilshisimen áńgime barysynda palatanyń vıtse-spıkeri Sergeı Dıachenko: «Naýryz - qazaqstandyqtardyń súıip kútetin merekeleriniń biri», degen júrekjardy pikirin bildirdi.
«Biz bul merekeni taǵatsyzdana tosamyz. Ol óte mańyzdy kún, adamdar bul meıramda bir-birin keshirip, meıirban bola túsedi. Qazaqstandyqtardy Áz Naýryzben quttyqtaýǵa múmkindik alǵanyma qýanyshtymyn. Baqyt tileımin barsha halyqqa!», - dedi ol.
Halyq qalaýlysy merekeni otbasy jáne dostarymen birge qarsy almaq. Onyń aıtýynsha, depýtat óz januıasymen birge sportpen shuǵyldanýdy josparlaýda.
«Búgin basseınge baramyz, sońynan mindetti túrde atqa minip, serýenge shyǵamyz. Múmkin shańǵy tebýim de yqtımal. Kóktemge qaramastan, keshe men shańǵy teýip kelgen bolatynmyn», - deıdi ol.
Óz kezeginde Parlament Májilisiniń depýtaty Qýanysh Sultanov, merekeni otbasymen birge qarsy alý qajet dep esepteıtindigin jetkizdi.
«Biz januıamyzben birge jınalyp, Naýryz kóje jasaımyz. Qazaqtyń barlyq salt-dástúrlerin ustanamyz. Budan soń sportpen shuǵyldanyp, denniń saýlyǵyn kúsheıtýge mán beremiz. Men de búgin basseınge baryp, atqa minip qaıtsam ba dep oılaımyn, biraq shańǵyǵa bara almaıtyn shyǵarmyn», - deıdi Q.Sultanov.
«Naýryz - jaqsy dástúrlerdiń meıramy, bul jyly qarym-qatynastar ornaıtyn kez. Barlyq halyq bir-birine tek saýlyq pen jaqsylyq tileıtin mereke. Men barlyq otandastaryma densaýlyq, baq, dáýlet tileımin», - dep túıdi sózin májilismen.
