Depýtattar múgedektigi bar azamattardy qoldaýǵa arnalǵan zań jobasyn ázirlep jatyr – Máýlen Áshimbaev

ASTANA. KAZINFORM — Múmkindigi shekteýli jandardy qoldaýǵa arnalǵan zań jobasy depýtattardyń bastamasymen ázirlenip jatyr. Bul týraly Senat tóraǵasy Máýlen Áshimbaev málim etti.

- «Múmkindigi shekteýli balalardyń, onyń ishinde kórý qabileti buzylǵan jetkinshekterdiń sapaly bilim alýyna jaǵdaı jasaý – memlekettiń negizgi mindetteriniń biri. Konstıtýtsııamyzda da bárine teń múmkindikter qalyptastyrý týraly normalar bar. Solardy iske asyrýymyz kerek. Sondaı-aq bul – bizdiń adamgershilik mindetimiz. Osy baǵytta mınıstrlik (Oqý-aǵartý mınıstrligi) tarapynan aýqymdy jumys atqarylyp jatqanyn bilemiz. Sonymen qatar atalǵan saladaǵy máselelerdi júıeli jáne tolyqqandy sheshý úshin bizdiń depýtattardyń bastamasymen tıisti zań jobasy ázirlenip jatyr. Ol bilim berý júıesinde ınklıýzıvti ustanymdardy attyrýdy kózdeıdi. Jalpy, bul salada kóptegen másele bar ekeni jasyryn emes. Tıisti mamandar daıarlaýǵa, mektepterdegi arnaıy synyptardyń materıaldyq-tehnıkalyq bazasyn jetildirýge qatysty túıtkilder bar. Sondyqtan atalǵan zań qabyldanǵannan keıin, osyndaı máselelerdi sheshýge yqpal etedi dep senemiz. Búginde senatorlar bul salada belsendi jumys júrgizip jatyr», – dedi Máýlen Áshimbaev Senattyń jalpy otyrysynda.

Budan buryn habarlanǵandaı, búgin Senat nashar kóretin adamdarǵa jaǵdaı jasaýǵa arnalǵan zańdy maquldady.