Depýtattar mıgranttardy baqylaýdyń biryńǵaı bazasyn qurýdy usyndy
ASTANA. QazAqparat - Qazaqstanda Kóshi-qon baqylaýynyń birtutas aqparattyq bazasyn jasaý qajet. Bul týraly búgin Májilistegi Úkimet saǵatynda depýtat Nurlan Ábdirov aıtty, dep habarlaıdy QazAqparat.
Depýtattyń paıymynsha, kóshi-qon legin naqty ýaqyt rejiminde baqylaý múmkindiginiń joqtyǵy kóshi-qon salasyndaǵy problemalardyń biri bolyp tabylady.
«Mysaly, Іshki ister mınıstrligi men Ulttyq qaýipsizdik komıtetiniń aqparattyq júıeleri ózara tıisti túrde ıntegratsııalanbaǵan. Olardyń árqaısysy jekelep alǵanda quqyq qorǵaý organdarynyń kózine túspegen kóship kelýshilerdiń jasaǵan quqyq buzýshylyqtaryn taldaý jolymen anyqtaýǵa múmkindik bermeıdi», - dedi ol.
Osyǵan oraı depýtat Іshki ister mınıstrligi men Ulttyq qaýipsizdik komıtetiniń birtutas aqparattyq bazasyn jasaý qajettigin nazar aýdardy.
«Osyǵan baılanysty, kóshi-qon baqylaýynyń birtutas aqparattyq bazasyn jasaý qajet. Bul bazada buzýshylyqtardy anyqtaýdyń avtomattandyrylǵan algorıtmderi, sondaı-aq belgili bir ákimshilik-aýmaqtyq birlikte júrgen sheteldikter men azamattyǵy joq adamdardyń sandyq jáne sapalyq quramyn aıqyndaý múmkindigi bolýǵa tıis», - dedi Nurlan Ábdirov.
Aıta keteıik, Nurlan Ábdirov 2017 jyly Qazaqstanda qosarlanǵan azamattyǵy bar shamamen 600 adam jazaǵa tartylǵanyn aıtqan bolatyn.
Sonymen qatar onyń dereginshe, Qazaqstanǵa kelgen sheteldikterdiń teń jartysy ýaqytsha tirkeýge turmaıdy.
